பள்ளி மாணவர்களைத் தண்டித்தால் நடவடிக்கை
மாணவர்களை அடிப்பது போன்ற தண்டனையைத் தடுக்கத் தேசியக் குழந்தைகள் உரிமைகள் பாதுகாப்பு ஆணையம் அறிவித்த விதிகளை அமல்படுத்த வேண்டும் எனப் பள்ளிக் கல்வித்துறைக்குச் சென்னை உயர்நீதிமன்றம் உத்தரவிட்டுள்ளது. விதிகளை மீறித் தண்டனை வழங்கினால் அந்தப் பள்ளி மீது நடவடிக்கை எடுக்க உத்தரவிட்ட ஐகோர்ட், விதிகள் அமலாவதைக் கண்காணிக்க ஆசிரியர், பெற்றோர், மூத்த மாணவர்கள் அடங்கிய குழுவை அமைக்கவும் உத்தரவிட்டது.
